हङकङबाट ३५ पुर्व घरेलु कामदारलाई स्वदेश फिर्ता

हङकङ – हङकङ अध्यागमन विभागले मे १३ देखि १५ तारिखसम्म ३५ जना पूर्व विदेशी घरेलु कामदारलाई देश निकाला गरेको जनाएको छ। उनीहरूको गैर-रिफ्युलेमेन्ट (शरण) सम्बन्धी दाबी अस्वीकार भएपछि निष्कासन प्रक्रिया अघि बढाइएको हो।

अधिकारीहरूका अनुसार देश निकाला गरिएकामध्ये केहीले हटाइनुअघि जेल सजायसमेत पूरा गरेका थिए। विभागले केही व्यक्तिले हङकङमा बसाइ लम्ब्याउने उद्देश्यले शरण प्रणालीको दुरुपयोग गरेको आरोप लगाएको छ।

सन् २०२२ मा लागू गरिएको नयाँ नीतिअनुसार अदालतले न्यायिक समीक्षा खारेज गरेपछि अध्यागमन विभागलाई छिटो निष्कासन प्रक्रिया अघि बढाउन अधिकार दिइएको छ। हङकङ सरकारले अवैध बसोबास र शरण प्रणालीको दुरुपयोग नियन्त्रण गर्न यस्तो कदम प्रभावकारी भएको जनाएको छ।