बर्लिन- जर्मनीमा उच्च शिक्षा खोज्ने विद्यार्थीहरूका लागि नयाँ अवसरको नाम हो EIIET (युरोपियन इन्स्टिच्युट अफ इनोभेसन, इन्टरप्रेनरशिप, एन्ड टेक्नोलोजी)। सन् 2023 मा डा. जय कृष्ण ठाकुर, नेपाली मूलका नेतृत्वमा स्थापित यो संस्था बर्लिनबाट सुरु भएको थियो र अब पोत्सडम र ह्यामबर्गमा पनि शाखा विस्तार भइसकेको छ।
EIIET ले विद्यार्थीहरूलाई पर्यटन र आतिथ्य, व्यवसाय व्यवस्थापन, कृत्रिम बुद्धिमत्ता, र स्वास्थ्य सेवा व्यवस्थापन जस्ता क्षेत्रहरूमा आधुनिक र व्यावहारिक शिक्षा प्रदान गर्छ। यहाँ करिब ४०० विद्यार्थीहरू अध्ययनरत छन्, जसमा दक्षिण एसियाली विद्यार्थीहरूको संख्या बढी छ, तर क्याम्पस पूर्ण रूपमा अन्तर्राष्ट्रिय वातावरणमा आधारित छ, जहाँ विभिन्न देशका विद्यार्थीहरूसँग अनुभव र ज्ञान साझा गर्न पाइन्छ।
विद्यार्थीहरूले केवल थ्योरीमा सीमित रहँदैनन्; EIIET ले व्यावहारिक तालिम र अन्तर्राष्ट्रिय स्तरको पाठ्यक्रम मार्फत उनीहरूलाई विश्वव्यापी करियरका लागि तयार बनाउँछ। समावेशी वातावरण, नवप्रवर्तनशील शिक्षण विधि, र उद्यमशीलता तथा प्रविधिमा केन्द्रित शिक्षा यसलाई अन्तर्राष्ट्रिय विद्यार्थीहरूको लागि जर्मनीमा अध्ययन गर्ने उत्कृष्ट गन्तव्य बनाउँछ।
