काठमाडौं- अष्ट्रेलियाका लागि विद्यार्थी भिसा अस्वीकृत हुने दरमा नेपाल दक्षिण एशियामध्ये अग्रस्थानमा पुगेको छ। पछिल्लो तथ्याङ्कअनुसार सन् २०२६ को मार्च महिनामा नेपालका करिब ७३ प्रतिशत विद्यार्थी भिसा आवेदन अस्वीकृत भएका छन्, जुन यस क्षेत्रकै सबैभन्दा उच्च दर हो।
विशेषज्ञहरूका अनुसार भिसा अस्वीकृत हुनुका प्रमुख कारणमा अपर्याप्त आर्थिक प्रमाण, कमजोर डकुमेन्टेशन, अध्ययनको स्पष्ट योजना नहुनु तथा Genuine Student (GS) मापदण्ड पूरा नहुनु समावेश छन्। अष्ट्रेलियाले पछिल्लो समय विद्यार्थी भिसामा कडाइ गर्दै गएकोले अस्वीकृत दर बढेको बताइन्छ।
यसले अष्ट्रेलियामा अध्ययन गर्न इच्छुक नेपाली विद्यार्थीहरूमा चिन्ता थपेको छ। शिक्षा परामर्शदाताहरूले भने सही कागजात, स्पष्ट उद्देश्य र बलियो प्रोफाइल तयार गरी मात्र आवेदन दिन सुझाव दिएका छन्।
विशेषज्ञहरूको भनाइमा यदि यही अवस्था जारी रहेमा आगामी दिनमा नेपाली विद्यार्थीहरूको अष्ट्रेलिया जाने संख्या समेत घट्न सक्ने सम्भावना रहेको छ।
