नेपालमा लगानी विस्तारबारे छलफल ।

Embassy of Nepal, Abu Dhabi मा महामहिम राजदूत Tej Bahadur Chhetri र PATRIZIA AG का मध्यपूर्व तथा उत्तर अफ्रिका क्षेत्रका लगानी तथा रणनीति प्रमुख हसन अवादा बीच सोमबार भेटवार्ता सम्पन्न भएको छ ।

मे ११, २०२६ मा सम्पन्न उक्त भेटवार्तामा नेपालमा लगानी साझेदारी तथा सम्भावित अवसरहरूबारे विस्तृत छलफल भएको दूतावासले जनाएको छ । छलफलका क्रममा विशेषगरी नवीकरणीय ऊर्जा तथा जलविद्युत्, पूर्वाधार विकास, पर्यटन तथा आतिथ्य, सूचना प्रविधि, नवप्रवर्तन, स्वास्थ्य तथा शिक्षा क्षेत्रका सम्भावनाहरूमा केन्द्रित भएर विचार आदानप्रदान भएको थियो ।

भेटवार्ताले नेपालसँग दिगो तथा दीर्घकालीन साझेदारी विस्तार गर्ने प्याट्रिजिया एजीको बढ्दो रुचिलाई सकारात्मक रूपमा प्रस्तुत गरेको दूतावासले उल्लेख गरेको छ । साथै, कम्पनीको अन्तर्राष्ट्रिय अनुभव र विशेषज्ञताले नेपालमा विदेशी लगानी प्रवर्द्धनमा थप सहयोग पुग्ने विश्वास व्यक्त गरिएको छ ।

२०२६ मे १२
अबुधाबीस्थित नेपाली दूतावास ।